ԾՐԱԳՐԵՐ ՄԱՍՆԱՎՈՐ ՀԱՏՎԱԾԻ ՀԵՏ
4-րդ միջազգային դեղագործության մրցունակության համաժողով
Գլոբալ Էս Փի Սի-ն ակտիվ մասնակցություն է ունեցել Հայաստանի դեղ արտադրողների և ներմուծողների միության, ՀՀ առողջապահության և էկոնոմիկայի նախարարությունների կողմից կազմակերպված «4-րդ միջազգային դեղագործության մրցունակության համաժողով»-ի նախապատրաստական աշխատանքներին։
Մարքեթինգային ծառայություններ «Մեդիքլ Իննովեյշն» ընկերությանը
Գլոբալ Էս Փի Սի-ն մատուցել է մի շարք մարքեթինգային ծառայություններ բժշկական սարքավորումների վաճառքով զբաղվող ամերիկյան «Մեդիքլ Իննովեյշն» ընկերությանը։ Ընկերության համար Գլոբալ Էս Փի Սի-ն կատարել է www.medicalinovation.com կայքի մշակման աշխատանքները։ Պատրաստել է նշանաբանը և պատկերանշանը։ Ընկերության համար նախագծել է կորպորատիվ գույները և ոճը։
Մարքեթինգային ծառայություններ «Լա Բելլա Բեստիա» ընկերությանը
Խորհրդատվական ծառայություններ Հայաստանի դեղ արտադրողների և ներմուծողների միությանը
Գլոբալ Էս Փի Սի-ն ծառայություններ է մատուցել Հայաստանի Դեղ արտադրողների և ներմուծողների միությանը (ԴԱՆ Միություն)՝ «Ֆարմա» դեղագործական գիտագործնական գրախոսվող հանդեսի հիմնադրման հարցերում։ Ընկերության կողմից կատարվել է Հայաստանում առողջապահական տպագիր լրատվամիջոցների հիմնադրման ու գործունեության իրավական դաշտի վերլուծություն և ԴԱՆ Միությանը տրամադրվել համապատասխան խորհրդատվություն։ Գլոբալ Էս Փի Սի-ն կատարել է նաև «Ֆարմա» հանդեսի www.pharma-mag.am կայքի մշակման աշխատանքները:
Բիզնես և իրավաբանական ծառայություններ «Միքս Թրեյդ» ՍՊԸ-ին
«Գլոբալ Էս Փի Սի» ընկերությունը ստորագրել է պայմանագիր «Միքս Թրեյդ» ՍՊԸ-ին բիզնես և իրավաբանական ծառայություններ մատուցելու վերաբերյալ։ «Միքս Թրեյդ» ՍՊԸ-ն QNet ընկերության պաշտոնական ներկայացուցիչն է Հայաստանում։ QNet ընկերությունը մասնագիտացած է էլեկտրոնային առևտրի և ցանցային մարքեթինգի մեջ։
Ի հավելումն վերոնշյալի, «Գլոբալ Էս Փի Սի» ընկերությունը «Միքս Թրեյդ» ՍՊԸ-ին մատուցել է նաև մարքեթինգային ծառայություններ, ներառյալ՝ ապրանքանշանը, կորպորատիվ գույները, ոճը և կայքը։
Իրավական դաշտի հետազոտություն Children Of All Nations (CAN) կազմակերպության համար
Գլոբալ էս Փի Սի-ին Children Of All Nations (CAN) կազմակերպության համար կատարել է օտարերկրացիների և ՀՀ սահմաններից դուրս բնակվող ՀՀ քաղաքացիների կողմից ՀՀ քաղաքացի հանդիսացող երեխային որդեգրելու իրավական դաշտի հետազոտություն։ Գլոբալ էս Փի Սի-ն ուսումնասիրել է որդեգրման գործընթացը կարգավորող օրենսդրությունը, որդեգրման ընթացակարգերը, որդեգրողների և գործընթացին ներգրավված պետական մարմինների իրավունքները, իրավասությունեերը և պարտականությունները։
CAN-ը կառավարվում է Great Wall China Adoption կազմակերպության կողմից, որը ամերիկյան առաջատար որդեգրման միջազգային գործակալության բաժանմունքն է։
Իրավաբանական խորհրդատվություն «Արցախ բրենդի» ընկերությանը
Գլոբալ Էս Փի Սի-ն մատուցել է մի շարք ծառայություններ հայաստանյան հայտնի ալկոհոլ արտադրող «Արցախ բրենդի» ընկերությանը` ԱՄՆ-ում կազմակերպության ներկայացուցչական գրասենյակ հիմնելու հարցում: Իրականացվել են «Artsakh America» ապրանքանիշի, կազմակերպության գրանցման և լիցենզիաների ձեռքբերման աշխատանքները։ Այսուհետ հայկական թթի, ծիրանի, դեղձի, խաղողի, հոնի, սալորի օղիները և մի շարք այլ հայրենական արտադրատեսականիներ կարտահանվեն ամերիկյան շուկա։
